'O Camiño inglés: unha ruta xacobea medieval no século XXI', primeiro volume da colección Camiños do Mar publicada pola UDC

A obra está estruturada en dúas partes: a primeira presenta un estudo rigoroso da historia do Camiño inglés, co detalle de peregrinos ilustres, entre elas Maguerite Kempe, unha das primeiras peregrinas do Camiño Inglés que deixou escritas as súas experiencias no camiño na obra “The Book of Margery Kempe”, e algunhas notas acerca da gastronomía; a segunda é unha descrición do itinerario.

Presentou o acto o reitor da UDC, Julio Abalde; acompañado polo autor da obra, Cristóbal Ramírez; o deputado de Economía Antonio Leira; a xerente da Asociación de Concellos do Camiño Inglés, Cristina García Souto; e a directora do Servizo de Publicacións, Nieves Pena.

A colección Camiños do mar, que inaugura este libro, acolle estudos feitos con rigor, encargados a diferentes especialistas de diferentes universidades, sobre diversos aspectos relativos aos Camiños de Santiago na provincia da Coruña, o camiño inglés, que curiosamente, pasa polos dous campus da UDC, o da Coruña e Ferrol, e a súa prolongación cara o mar, a Fisterra e Muxía. O libro pode adquirirse xa nas librarías.