1: Ferrol - Neda

Ferrol - 14 Km.

O Camiño Inglés, por calquera das súas rutas, transcorre por montañas erosionadas, vellos cumes, en xeral a media altura. Parte de Ferrol, do Porto, do Barrio das Curuxeiras, onde desde o século XI estaba situado o porto, que hai que entender como corazón e razón de ser desta férrea cidade.

Ferrol tivo aforamentos desde o século XII, concedidos por Alfonso VII. Foi entregada por Enrique II a Fernán Pérez de Andrade, o Bo, volvendo á coroa en 1733 e nacendo entón o Ferrol mariñeiro e moderno.

   A igrexa de San Francisco recorda ó convento fundado por Pérez de Andrade no século XIV. O templo actual, do XVIII,  ten planta de cruz latina e no seu interior poden contemplarse interesantes imaxes do escultor José Ferreiro.

O Arsenal foi construído a partir de mediados do século XVIII, e con el a nova cidade. É unha dársena rectangular con diques de cantaría que se asentan sobre o fondo do mar ou nos illotes alí existentes. As instalacións militares construíronse en terra firme, sendo o elemento máis destacado o Cuartel de Instrución de Mariñeiría. O barrio da Madalena, conxunto urbano nacido neste século, ten un trazado reticular con seis rúas paralelas cortadas por nove transversais e no centro dúas prazas cadradas.
   Centro Cultural Torrente Ballester

O antigo Hospital da Caridade, de finais do século XVIII, que foi erixido para atención de peregrinos e enfermos, é na actualidade o centro cultural Torrente Ballester.

 

 

 

 

Concatedral de Ferrol

A Concatedral de San Xulián (Ferrol comparte bispado coa histórica Mondoñedo), é obra de Sánchez Bort, da segunda metade do século XVIII.
    Na praza de Amboage atópase a igrexa da Virxe das Dores.

E na Praza de Armas, a Casa do Concello, construída en 1953, que alberga o museo municipal.

Iglesia de Las Angustias en Ferrol- Foto Carlos Rodríguez

Pasada a Praza da Constitución e Cantón de Molíns, chégase á neoclásica Igrexa das Angustias.

    Neste Camiño houbo hospitais da orde hospitalaria de Sancti Spiritus en Ferrol, Neda, Miño, Paderne e Betanzos. Pola súa parte, os todopoderosos Andrade contribuíron á peregrinación construíndo ou reconstruíndo pontes en Xubia, Pontedeume, Lambre, Betanzos e O Burgo.

Xubia

Vamos en ruta paralela á ría ferrolá. En Xubia, atopamos a magnífica igrexa románica de San Martiño, herdeira do antigo mosteiro do Couto erixido no século VIII e  reconstruído no XII.

Monasterio de O-Couto-Xuvia

A igrexa, de tres naves e cabeceira de tres ábsidas, posúe artísticos canzorros que a fan especial. A portada románica está protexida por un pórtico construído, igual que o campanario, no século XVIII.
Xubia e este mosteiro eran a primeira parada para os peregrinos que viñan de Ferrol.

Neda

    Molinos+Aceas-de_Lembeie

Preto xa de Neda, muíño As Aceas de Lembeie, movido polas mareas.

 

Albergue Neda

Á beira do río Xubia existe na actualidade un albergue de peregrinos.

Sta-María y Concello de Neda

S-Nicolas- NedaA igrexa de Santa María é de comezos do século XVIII.
    A Casa do Concello, con torre do século XVIII, conserva pegados os restos do hospital de peregrinos de Sancti Spiritus, do século XV.

 

Despedímonos de Neda visitando a igrexa de San Nicolás, do século XIV.