Siga sempre as frechas amarelas que marcan o Camiño. Nas Oficinas de Turismo poderá obter folletos, e en calquera librería adquirir libros de mapas da ruta a Compostela.

Nos tramos do Camiño que coincidan con estradas, camiñe sempre pola beirarúa esquerda. Se o fai en grupo, nunca máis de dous.

No caso de camiñar pola noite (aínda que non é aconsellable), utilice reflectantes que permitan ós conductores velo doadamente.

Leve sempre consigo algo doce e froitos secos para poder repoñer enerxías no momento en que o seu organismo llo aconselle.

Se o calor arrecia, busque un lugar fresco no que poder descansar e inxerir algún líquido. Un litro de auga cunha pequena cullerada de sal e media de bicarbonato permitiralle recuperar os minerais consumidos. Se sofre calambres, hai que aumentar a cantidade de sal.

Trate a cantos atope como queira que o traten a Vde., especialmente se se trata de persoas que axudan ós peregrinos.

¡Disfrute do Camiño! ¡Feliz camiño a Compostela!.

1.- Non fumes e evita o exceso de alcohol e café.

2.- Controla os factores de risco: Hipertensión, diabetes, colesterol alto, obesidade e exceso de peso.

3.- Planifica ben a ruta e a distancia de cada etapa segundo a túa idade e forma física.

4.- Come polo menos cinco racións de froitas e verduras ó día.

5.- Non leves excesiva carga sobre os tes ombros.

6.- Mantén unha dieta equilibrada relacionada co esforzo físico que estás a realizar.

7.- Se sofres de enfermidade cardiovascular, vixía especialmente o teu estado físico durante o percorrido.

8.- Non esquezas unha botica completa de primeiros auxilios e leva o móbil cargado.

9.- Descansa o suficiente.

10.- Goza do Camiño e non teñas présa.

NORMAS DE CONSERVACIÓN E UTILIZACIÓN DA REDE DE ALBERGUES DA S.A. DE XESTIÓN DO PLAN XACOBEO

A conservación e utilización da rede de albergues da S.A. de Xestión do Plan Xacobeo está regulada por unha normativa que delimita os dereitos e deberes dos peregrinos usuarios.

Esta normativa destaca:

1. Que os peregrinos a pé ou con limitacións físicas terán prioridade para a ocupación dos albergues do Camiño de Santiago en Galiza. Na escala de prioridades de ocupación, despois dos peregrinos a pé, situaríanse os que percorran a ruta xacobea a cabalo, en bicicleta e os que circulen en coche de apoio.

2. As prazas cubriranse segundo a orde de chegada dos peregrinos aos albergues, sen que en ningún caso, a Xunta de Galicia contemple a posibilidade de facer reservas previas.

3. A utilización do albergue será de pago. O importe é de 3 euros, e inclúe o uso dos servizos das instalacións e pasar a noite.

Normas de uso:

4. A estancia será dunha soa noite, salvo en caso de enfermidade ou de forza maior. O horario de entrada será de 13:00 a 22:00 horas. A hora de saída será, como máximo, ás 8:00 horas.

5. As luces apagaranse ás 23:00 horas, agás nas zonas comúns. Os usuarios deberán coidar as instalacións coa debida dilixencia, deixalas ordenadas e limpas, e deberán recoller o lixo nos correspondentes contedores. Prégase non malgastar a enerxía eléctrica e facer uso dos tendais para secar a roupa.